ನಂತರ ಆಕ್ಸ್ ಫರ್ಡ್ ನ ಪ್ರತಿಷ್ಠಿತ ರೋಡ್ಸ್‌ವಿದ್ಯಾರ್ಥಿ ವೇತನ ದೊರೆತು ಆಕ್ಸ್‌ಫರ್ಡ್‌ಗೆ ತೆರಳಿದರು.
ತತ್ವಶಾಸ್ತ್ರ, ರಾಜ್ಯಶಾಸ್ತ್ರ ಮತ್ತು ಅರ್ಥಶಾಸ್ತ್ರದಲ್ಲಿ ಎಂ.ಎ ಪದವಿ ಯನ್ನು ೧೯೬೩ರಲ್ಲಿ ಗಳಿಸಿದರು.
೧೯೬೨-೬೩ ರಲ್ಲಿ ಮ್ಯಾಗ್ಡಲೆನ್ ಜೂನಿಯರ್ ಕಾಮನ್ ರೂಮ್ ಹಾಗೂ ಆಕ್ಸ್ ಫರ್ಡ್ ಯೂನಿಯನ್ ಸೊಸೈಟಿಯ ಅಧ್ಯಕ್ಷರಾಗಿದ್ದರು.
೧೯೬೪: ತುಘಲಕ್.
೧೯೭೧: ಹಯವದನ.
೧೯೭೭: ಅಂಜುಮಲ್ಲಿಗೆ.
೧೯೮೦: ಹಿಟ್ಟಿನ ಹುಂಜ.
೧೯೮೮: ನಾಗಮಂಡಲ.
೧೯೯೦: ತಲೆದಂಡ.
೧೯೯೫: ಅಗ್ನಿ ಮತ್ತು ಮಳೆ.
೨೦೦೦: ಟಿಪ್ಪೂ ಸುಲ್ತಾನ ಕಂಡ ಕನಸು
ತುಘಲಕ್ ಹಂಗೇರಿಯನ್ ಮತ್ತು ಜರ್ಮನ್ ಭಾಷೆಗಳಿಗೂ (೧೯೭೬ ಮತ್ತು ೧೯೮೯ ರಲ್ಲಿ) ಅನುವಾದವಾಗಿದೆ.
ಟಿಪ್ಪೂ ಸುಲ್ತಾನ ಕಂಡ ಕನಸು ಬಿಬಿಸಿ (ಬ್ರಿಟಿಷ್ ಬ್ರಾಡ್ ಕಾಸ್ಟಿಂಗ್ ಕಾರ್ಪೊರೇಷನ್) ಗಾಗಿ ಇಂಗ್ಲೀಷ್ ರೂಪದಲ್ಲಿ ಸಿದ್ಧವಾಗಿದೆ.
ಬಾದಲ್ ಸರ್ಕಾರ್ ಅವರ 'ಏವಂ ಇಂದ್ರಜಿತ್' ನಾಟಕವನ್ನು ಇವರು ಇಂಗ್ಲೀಷ್ ಭಾಷೆಗೆ ಅಳವಡಿಸಿದ್ದಾರೆ.
ರಾಷ್ಟ್ರಪತಿಗಳ ಸ್ವರ್ಣಪದಕ(೧೯೭೦)ಪ್ರಶಸ್ತಿ ಗಳಿಸಿದ ಸಂಸ್ಕಾರ ಚಿತ್ರಕ್ಕೆ ಚಿತ್ರಕಥೆ-ಸಂಭಾಷಣೆಯನ್ನೂ ಕಾರ್ನಾಡರೇ ರಚಿಸಿದರು.
ಎಸ್.ಎಲ್. ಭೈರಪ್ಪನವರ ಕಾದಂಬರಿ 'ವಂಶವೃಕ್ಷ' ವನ್ನು ತೆರೆಗೆ ಅಳವಡಿಸಿದರು. ಆ ಮೂಲಕ ನಿರ್ದೇಶಕರಾದರು. ಬಿ.ವಿ. ಕಾರಂತರೊಡಗೂಡಿ ನಿರ್ದೇಶಿಸಿದ ಈ ಚಿತ್ರದಲ್ಲಿ ಅಭಿನಯಿಸಿ, ಚಿತ್ರಕಥೆ-ಸಂಭಾಷಣೆಯನ್ನು ಬರೆದರು.
ಉತ್ತಮ ನಿರ್ದೇಶನಕ್ಕಾಗಿ ರಾಷ್ಟ್ರಪ್ರಶಸ್ತಿಯನ್ನು, ರಾಜ್ಯ ಪ್ರಶಸ್ತಿ ಹಾಗೂ ವರ್ಷದ ಅತ್ಯುತ್ತಮ ಕನ್ನಡ ಚಿತ್ರಪ್ರಶಸ್ತಿಯನ್ನು ಪಡೆದರು.
ನಂತರ ಎಸ್.ಎಲ್. ಭೈರಪ್ಪನವರ 'ತಬ್ಬಲಿಯು ನೀನಾದೆ ಮಗನೆ' ಕೃತಿಯನ್ನು ತೆರೆಗೆ ಅಳವಡಿಸಿ ಜನಮನ್ನಣೆ ಗಳಿಸಿದರು.
ಇವರ ಚಲನಚಿತ್ರಗಳು ಹಲವು ಹೊಸನಟರನ್ನು ಚಲನಚಿತ್ರ ರಂಗಕ್ಕೆ ನೀಡಿದೆ. ವಂಶವೃಕ್ಷದ ಮೂಲಕ ವಿಷ್ಣುವರ್ಧನ್, ತಬ್ಬಲಿಯು ನೀನಾದೆ ಮಗನೆಯಲ್ಲಿ ನಾಸಿರುದ್ದೀನ್ ಷಾ, ಒಂದಾನೊಂದು ಕಾಲದಲ್ಲಿ ಮೂಲಕ ಶಂಕರ್ ನಾಗ್ ಪಾದರ್ಪಣೆ ಮಾಡಿದರು.
ಹಿಂದಿಯಲ್ಲಿ 'ಗೋಧೂಳಿ' ಚಿತ್ರಕ್ಕಾಗಿ ಅತ್ಯುತ್ತಮ ಚಲನಚಿತ್ರ ಎಂದು ಫಿಲ್ಮ್ ಫೇರ್ ಪ್ರಶಸ್ತಿ ಬಿವಿಕಾರಂತ-ಕಾರ್ನಾಡರಿಗೆ ಲಭಿಸಿತು.
ಕಾರ್ನಾಡರೇ ಚಿತ್ರಕಥೆ ಬರೆದು ನಿರ್ದೇಶಿಸಿದ ಆಲನಹಳ್ಳಿ ಶ್ರೀಕೃಷ್ಣ ಅವರ ಕಾದಂಬರಿ ಆಧರಿಸಿದ 'ಕಾಡು' ಹಾಗೂ ತಾವೇ ರಚಿಸಿದ 'ಒಂದಾನೊಂದು ಕಾಲದಲ್ಲಿ' ಚಿತ್ರ ಗೌರವ ತಂದು ಕೊಟ್ಟವು. ೧೯೭೮ ರಲ್ಲಿ ಅತ್ಯುತ್ತಮ ಕನ್ನಡ ಚಲನಚಿತ್ರ ಎಂದು ರಾಷ್ಟ್ರಪ್ರಶಸ್ತಿ.
೧೯೭೪ರಲ್ಲಿ ದ್ವಿತೀಯ ಅತ್ಯುತ್ತಮ ಚಲನಚಿತ್ರ ಎಂದು ರಾಷ್ಟ್ರ ಪ್ರಶಸ್ತಿಗಳ ರಜತ ಪದಕ 'ಕಾಡು' ಚಿತ್ರಕ್ಕೆ ಸಂದಿದೆ.
೧೯೯೧ರಲ್ಲಿ 'ಸಂತ ಶಿಶುನಾಳ ಶರೀಫ' ಚಿತ್ರದ ಅಭಿನಯಕ್ಕಾಗಿ ಕರ್ನಾಟಕದ ರಾಜ್ಯ ಸರ್ಕಾರ ನೀಡುವ ಆತ್ಯುತ್ತಮ ಪೋಷಕ ನಟ ಪ್ರಶಸ್ತಿ ಪಡೆದರು.
ಕನ್ನಡದ ಹಿರಿಯ ಕವಿ ದ.ರಾ.ಬೇಂದ್ರೆ ಅವರ ಬಗ್ಗೆ ಕನ್ನಡದಲ್ಲಿ ಒಂದು ಸಾಕ್ಷ್ಯಚಿತ್ರವನ್ನು ನಿರ್ಮಿಸಿದ್ದಾರೆ.
ಹಿಂದಿಯ 'ಉತ್ಸವ್' ಮತ್ತು 'ಚೆಲುವಿ' ಚಿತ್ರಗಳ ಚಿತ್ರಕಥೆ-ನಿರ್ದೇಶನಗಳೂ ಕಾರ್ನಾಡರವೇ. ಪರಿಸರ ಸಂರಕ್ಷಣೆಯನ್ನು ಪ್ರತಿಪಾದಿಸುವ ಅತ್ಯುತ್ತಮ ಚಲನಚಿತ್ರವೆಂದು 'ಚೆಲುವಿ' ಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿ(೧೯೯೩) ಬಂದಿತು.
೧೯೭೮ ರಲ್ಲಿ 'ಭೂಮಿಕಾ' ಚಿತ್ರದ ಚಿತ್ರಕಥೆಗಾಗಿ ಶ್ಯಾಮ್ ಬೆನಗಲ್ ಹಾಗೂ ಸತ್ಯದೇವ ದುಬೆ ಅವರೊಡನೆ ರಾಷ್ಟ್ರಪ್ರಶಸ್ತಿಯನ್ನು ಹಂಚಿಕೊಡರು.
ಕನಕದಾಸ ಮತ್ತು ಪುರಂದರದಾಸರ ಜೀವನ ಸಾಧನೆಗಳನ್ನಾಧರಿಸಿದ 'ಕನಕ-ಪುರಂದರ' ಕಾರ್ನಾಡರ ಇಂಗ್ಲೀಷ್ ಸಾಕ್ಷ್ಯಚಿತ್ರ ೧೯೮೯ ರಲ್ಲಿ ಅತ್ಯುತ್ತಮ non featured film ಎಂದುದಕ್ಕಾಗಿ 'ಸ್ವರ್ಣಕಮಲ'ವನ್ನು ಗಳಿಸಿತು.
ಕಾರ್ನಾಡರು ಆಂಗ್ಲ ಭಾಷೆಯಲ್ಲಿ ನಿರ್ಮಿಸಿದ ಇನ್ನೊಂದು ಸಾಕ್ಷ್ಯಚಿತ್ರ ‘The Lamp in the Nishe.Part1:Sufism in India’ ಹಾಗೂ' part2: Sufism and Bhakti ' ಹೀಗೆ ಎರಡು ಭಾಗದಲ್ಲಿ ರಚಿಸಿರುವ ಈ ಸಾಕ್ಷ್ಯಚಿತ್ರ Best Non-feature Film On Social Issues s ಎಂದು ಗುರುತಿಸಲ್ಪಟ್ಟು ರಾಷ್ಟಪ್ರಶಸ್ತಿ ಗಳಿಸಿತು.
ರಂಗಭೂಮಿ, ಚಲನಚಿತ್ರ ಕ್ಷೇತ್ರದಂತೆ ಕಿರುತೆರೆಯಲ್ಲೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. 'ವೋ ಘರ್' ಎನ್ನುವ ಚಿತ್ರವನ್ನು ನಿರ್ದೇಶಿಸಿದ್ದಾರೆ.
ಮೃಣಾಲ್ ಸೇನ್, ಸತ್ಯಜಿತ್ ರೇ, ಶ್ಯಾಮ್ ಬೆನೆಗಲ್ ಮುಂತಾದ ಪ್ರತಿಭಾವಂತ ನಿರ್ದೇಶಕರ ನಿರ್ದೇಶನದಲ್ಲಿ ಹಲವಾರು ಚಲನಚಿತ್ರಗಳಲ್ಲಿ, ಧಾರವಾಹಿಗಳಲ್ಲಿ ಅಭಿನಯಿಸಿದ್ದಾರೆ.
೧೯೭೭ ರಲ್ಲಿ ನವದೆಹಲಿಯಲ್ಲಿ ನಡೆದ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಮೌಲ್ಯ ನಿರ್ಣಾಯಕರಲ್ಲಿ ಒಬ್ಬರಾಗಿದ್ದರು.
ಲಂಡನ್ನಿನಲ್ಲಿ ನಡೆದ ಭಾರತ ಉತ್ಸವ(ಫೆಸ್ಟಿವಲ್ ಆಫ್ ಇಂಡಿಯಾ, ೧೯೮೨) ಹಾಗೂ ಮಾಂಟ್ರಿಯಲ್ ಚಲನಚಿತ್ರೋತ್ಸವಗಳಲ್ಲಿ ಭಾರತದ ಅಧಿಕೃತ ಪ್ರತಿನಿಧಿಯಾಗಿ ಭಾಗವಹಿಸಿದರು.
ವಿಜ್ಞಾನ-ತಂತ್ರಜ್ಞಾನದ ಮುನ್ನಡೆಯನ್ನು ಬಿಂಬಿಸುವ, ವಿಜ್ಞಾನಿ ಯಶ್‌ಪಾಲ್ ಮಾರ್ಗದರ್ಶನದ 'ದಿ ಟರ್ನಿಂಗ್ ಪಾಯಿಂಟ್' ಎನ್ನುವ ದೂರದರ್ಶನದ ಧಾರವಾಹಿಯಲ್ಲಿ ಮುಖ್ಯ ನಿರೂಪಕರಾಗಿ ಹೆಚ್ಚಿನ ಜನಪ್ರಿಯತೆಯನ್ನು ಗಳಿಸಿದರು.
ಕುವೆಂಪುರವರ ಕಾದಂಬರಿ ಕಾನೂರು ಸುಬ್ಬಮ್ಮ ಹೆಗ್ಗಡತಿಯನ್ನು ತೆರೆಗೆ ಅಳವಡಿಸಿದರು. ಈ ಚಿತ್ರ ರಾಷ್ಟ್ರ ಪ್ರಶಸ್ತಿಯನ್ನು ಗಳಿಸಿತು.